عوده

مش حسيب الماضي يخنق

كل حاجه حلوه فيا

مش حسـيب دلوقـتي يعمل

اللي هو عايزه فيا

واللي جاي مـش حسـيـبـه

مره تانيه يدوس عليا

يعني حرقص يعني حلعب

دنيـا فانـيه بالـلي فـيـها

يعني بالنـسـبـالـي مـلـعـب

مره أكسب مره أخسر

الـمـهـم أنـي بـلـعـب

بس لأ.......من النهارده

حفضل أغلب لازم أكسب

ليه تخاف وليه تضيع

ليه ياقلبي بس تهرب

حب تاني وعيش ورفرف

أوعى ييجي يوم وتتعب

السلام عليكم ورحمة الله وبركاته

أنا عايز أعرف أيه اللي بيحصل في قسم المنتزه في اسكندريه

أحنا بنتهان وبنتضرب وبنتبهدل

معرفش ليه

يمكن علشان بنسكت

يمكن علشان عايزين نعيش

ناكل عيش ونروح نبات في بيوتنا

بابنا مقفول علينا

فرحت أوي لما عرفت ان النيابه فتشت القسم وشافت الأنتهاكات اللي فيه

بس في الوقت نفسه خايف

خايف من الأنتقام

والمرادي مش حيكون مجرد ليله في القسم وعلقه محترمه

ولا حيكون برشامه أو فردة موس

حيكون أكبر من كده

ممكن يكون بلطجه

ارهاب

خطر على الأمن العام

مش عارف

الناس في دايرة المنتزه بتخاف تمشي في الشارع

ربنا يستر

।

।

।

।

।

تحياتي ....محمدعلي...جارالقمر